ఈ పుట అచ్చుదిద్దబడ్డది
రేకు: 0021-3 కన్నడగౌళ-అటతాళం సం: 05-116
పల్లవి:
తురుము నీవియు జార తొయ్యలి వెరగంద
సిరులఁ బరవశము సేసితిగా నీవు
చ. 1:
కొమ్మమోవి నీకుఁ బిల్లగోవిగాఁగ నిడుకొని
కుమ్మరించుఁగుత్తుకలోఁ గులుకుచును
తమ్ములపు రసము చిత్తడిగాఁ గురియుచు
చిమ్మిరేఁగ రాగము నించితివిగా నీవు
చ. 2:
పడఁతిగుబ్బలు నీకుఁ బాంచజన్యములుగా
కడివోని మొనలోలిఁ గదియ నొత్తి
తడయక మదనయుద్దము గెలిచితినంటా
వొడలి చెమటలార నూదితిగా నీవు
చ. 3:
వెలఁదివీఁపిది నీకు వీణె వొళవుగా
ములువాఁడి కొనగోళ్ళ మోఁపి మోఁపి
కలసి కౌఁగిటను వేంకటగిరి విభుఁడ నీ-
మెలుపుఁగళల తంతి మీఁటితిగా నీవు