ఈ పుట అచ్చుదిద్దబడ్డది
రేకు: 0020-4 ముఖారి సం: 05-111
పల్లవి:
ఆఁపలేక నిను దూరేనంతె గాక
యేఁపుచుఁ గూడేటి పొందులేలయ్య విభుఁడా
చ. 1:
కోపగించుకొన్నచోట కూరిమితో వినయమే
చూపిన నామాట నీకు సొగసీనటే
యేపు రేఁగి నీకుఁ బ్రియమెక్కడనో వుండఁగాను
తాపమయ్యే పొందు నీకుఁ దగదయ్య విభుఁడా
చ. 2:
నేరములెన్నఁగ నేను నిజములు పలికిన
వైరములే యౌఁగాక వలపౌనటే
యీరుదీయఁ బేను వచ్చీనిఁకనేల మాటలు నీ-
వారము మమ్మిఁకఁ దడవకుమయ్య విభుఁడా
చ. 3:
ననిచి కూడినవారు నమ్మక ప్రియునిమీఁద
కనలి యాడినమాట కసరౌనటే
ఘనుఁడవు తిరువేంకటరాయ మనలోని-
కినుకలన్నియు నిట్టె గెలుపయ్య విభుఁడా