ఈ పుట అచ్చుదిద్దబడ్డది
రేకు: 0113-5 రామక్రియ సంపుటం: 07-077
పల్లవి:
పొద్దువోదా నీక దేమి పోరులేలే
పెద్దరికెము సేసితే బిగిసేవేమే
చ.1:
బల్లదురాలవైతే భ్రమయించవే పతిని
పల్లదపు మాటలకుఁ బనిలేదే
వెల్లవిరి నాతనికి వేడుక మీఁది వారము
తల్లడించి మమ్ము దూరఁ దగవేదే
చ.2:
కలిమి గలిగితేను గడు సింగారించుకోవే
చులుకఁదనానఁ జూడఁ జోటులేదే
వలపులు చవిగాఁగా వాసికెక్కిన వారము
చలివాసి వాదించ సంగతేదే
చ.3:
చేయి మీఁదైనదానవు చేఁతలు సేయించుకోవే
మాయలు మాతో నింకా మఱి యేలే
యీయెడ శ్రీ వేంకటేశుఁడెనసె నన్నిన్నిటను
నీయిచ్చ నేరములెంచ నెపమేదే