ఈ పుట అచ్చుదిద్దబడ్డది
రేకు: 0123-5 శంకరాభరణం సంపుటం: 07-137
పల్లవి:
దేవ నీవునికి తేటతెల్లమాయను
భావించ మాకుఁ గన్నులపండుగాయను
చ.1:
పన్నీటిజలకములు భామకనుచూపులును
యెన్నికెఁ గూడుక నీమైనేరులై పారె
తిన్ననిచెమటలెల్లా తిరుమేననెల్లా నిండి
అన్నిటా ముత్యాలపెనుహారములాయ
చ.2:
తెల్లని కప్పురకాపుతెఱవనవ్వులు గూడి
పాల్లుగాని పుష్పాళ్ళపోగులాయను
మెల్లినె నీవురూపుల మించుల రవలురేఁగి
వొల్లనె తడిసూళ్ళవొత్తులాయను
చ.3:
అంగంపుఁ బుళుగుకాపు అలమేలుమంగఁ గూడి
సింగారాలాయను మంచిసిరులాయను
ముంగిట శ్రీ వేంకటేశ మోహనపుమీకూటమి
సంగతిఁ బువ్వుదండల జాడలాయను