ఈ పుట అచ్చుదిద్దబడ్డది
రేకు: 0205-6 భైరవి సంపుటం: 08-030
పల్లవి:
కంటిమి వింటిమి నీకతలు నేఁడు
నంటుననే ఆసలు సానలఁ బట్టేవా
చ. 1:
కన్నులనే సొలసేవు కాఁకలనే ఆలసేవు
కన్నెరొ నీకాతనికి కలదా పొందు
నన్నునేల మొరఁగేవు నాకునేల దాఁచేవు
సన్నలనే వలపులు చవిగొనేవా
చ. 2:
సెలవులనే నవ్వేవు చెక్కులు చెమరించేవు
మలసి మీ యిద్దరికి మాటలందెనా
చెలఁగి యేల బొంకేవు సిగ్గులేల పెంచేవు
వెలినుండే రతులెల్లా వెలసేసేవా
చ. 3:
భావములనె చొక్కేపు పైపైఁ బులకించేవు
శ్రీవేంకటేశ్వరు మేలు చేకూడెనా
పూవువలెఁ బొదిగేవు బుసకొట్టే వింతలోనె
యీవిధాన నేమిమ్ము యెనయించనేరనా