ఈ పుట అచ్చుదిద్దబడ్డది
రేకు: 0246-1 శంకరాభరణం సంపుటం: 08-271
పల్లవి:
విచారించు కొమ్మనవే వేడుక నింకాఁ దానె
పచారించి మాతో నేల పలుక వచ్చీనే
చ. 1:
విరసాలె రసాలు వేగిరపడకవుంటె
తెరమరఁగె బయలు తెలిసితేను
సరవులె వెరవులు చనవు గలిగితేను
యిరవాయఁదా నాకు నేమి బోధించీనె
చ. 2:
పంతనాలె పొంతనాలు పనులెల్లా నియ్యకొంటె
చింతలే మనోరథాలు సేసుకొంటేను
వింతలే ననుపు లవును వేసినట్టె వేసితేను
యెంతసేసి నన్నుఁదాను యేమిబోధించీనే
చ. 3:
వెగటులే పగటులు మోరపులులేకున్న
తెగువలే నగవులు దిద్దుకొంటేను
తగు శ్రీ వెంకటేశుఁడు తమకించి నన్నుఁగూడె
యెగసక్కే లిఁకలేవు యేమి బోధించీనే