ఈ పుట అచ్చుదిద్దబడ్డది
రేకు: 0218-6 శ్రీరాగం సంపుటం: 08-108
పల్లవి:
ఏనాఁటికేనాడు యేమనేవు
నీ నాటకములెల్ల నీకేతెలును
చ. 1:
దగ్గరి నీగుణములు తలపోయుచుండఁగాను
కగ్గి నీతో నెరుపేటి గర్వమనేవు
సిగ్గుపడి యప్పటిని చెక్కు చేతనుండఁగాను
ఆగ్గలమై చింతించే అలుకలనేవు
చ. 2:
పొదిగి నీచేఁతలెల్ల పొగడుతానుండఁగాను
వెదకి వెదకి యాడేవెంగమనేవు
నిదురకన్నులతోడ నిన్నుఁ గొంత చూడఁగాను
గుదిగుచ్చి కుమ్మరించే కోపమనేవు
చ. 3:
కలిసి మెలసి నిన్నుఁ గాఁగిలించుకొనఁగాను
నెలి పెనఁగి బిగిసితిననేవు
బలిమి శ్రీవేంకటేశ పైకొని కూడితి నన్ను
మలసి మెచ్చితే నిన్ను మతకమనేవు