ఈ పుట అచ్చుదిద్దబడ్డది
రేకు: 0053-3 దేశాక్షి సంపుటం: 06-069
పల్లవి:
మదవికారములు మానేవో, నా
యెదురనె నీవు నేఁ డింకాఁజేసేవో
చ. 1:
నందవ్రజములోన నాఁడు నీవు గొల్ల
మందల మగువల మరగించీనా
మందులుమాయలు మఱచితివో, యిప్పు
డిందూ నామీఁద నింకాఁ జేసేవో
చ. 2:
నలినాప్తకులుఁడవైనాఁడు నీవు ఇంతిం
గలకాలమెల్ల నంగడిబెట్టినా
మలినపు మాటలు మఱచితివో నన్ను
నెలయించి కాఁకల నింకా సేపేవో
చ. 3:
నరసింహుఁడవై నాఁడు నీవు పెక్కు
మురిపెంపు వికారములఁ బోయినా
తిరువేంకటేశ పొందితివి నన్ను నీ
యిర వైన యీ చేఁత లింకాఁ జేసేవో