ఈ పుట అచ్చుదిద్దబడ్డది
రేకు: 0052-3 లలిత సంపుటం: 06-063
పల్లవి:
బాలుండై రేపల్లె లోపల
నాలరియాటలె యాడెనే యితఁడు
చ. 1:
నెలఁతల సన్నపు నెన్నుదుళ్లపై
నెలయింతలరతి నిలు గట్టి
కెలపుల నును జంకెనలనె కలయుచు
నలరి బొమ్మ పెండ్లాడెనె యితఁడు
చ. 2:
గుబ్బల మెఱుఁగుల గురుగులలోపల
నుబ్బనానఁబాలొగి నించి
ఒబ్బిడి గాఁ బెదవులనే నమలుచు
నబ్బిన యాటలె యాడెనే యితఁడు
చ. 3:
ఎప్పుడు నిటువలె నిండ్లు గట్టుక
కప్పుర గందులఁ గలయుచునూ
తెప్పలఁ దేలుచుఁ దిరువేంకటగిరి
యప్పఁడు మహిమల నాడెనె యితఁడు