ఈ పుట అచ్చుదిద్దబడ్డది
రేకు: 0052-1 శుద్దదేశి సంపుటం: 06-061
పల్లవి:
వెన్నెలల బయట వేడుకకాఁడ
యిన్నే సిలాగుల నెలయించితిగా వోరి
చ. 1:
నగుతానె సారెసారె నాతో నీవింతేసి
పగటులు నెరుపేవు బాపురా
తెగి నిన్నుఁ జూడలేను తెమలకుండఁగలేను
సగము బీరము నాపైఁ జల్లితిగావోరి
చ. 2:
నయమున నిట్లనె నన్నుఁ గడుఁ గరఁగించి
బయ లీఁదించం జూచేవు బాపురా
నియమించలేను నిన్ను నిమిష మెడయలేను
ప్రియము భయము నాపైఁ బెట్టితిగా వోరి
చ. 3:
తక్కులనే పెట్టి పెట్టి తనివి దీరని నీ
పక్కబాయ నియ్యవైతి బాపురా
చక్కని వేంకటగిరిస్వామి నీపాదాలకే
మొక్కఁగానే యింపులు ముంచితిగావోరి