ఈ పుట అచ్చుదిద్దబడ్డది
రేకు: 0050-1 ముఖారి సంపుటం: 06-049
పల్లవి:
ఏమి సోద్యం బిదియు నెన్న నాశ్చర్యంబు
కామాతురులకుఁ జీఁకటి వెన్నెలాయె
చ. 1:
ధవళమగుకలుహారదళ నఖంబులచేత
యువతి కుచగిరులఁజంద్రోదయం బాయె
తివిరి ముఖచందురుని తెలివి యౌవనసుధా
ర్ణవమునకు సురతమధనంబు ఘనమాయె
చ. 2:
తొడరి నవఘమ బిందువుల వానలు గురియుఁ
గడఁగి కచనీల మేఘము గారుక్రమ్మె
విడువ కిటుసంతసపు వెల్లి పై పై నిగుడ
కడిది నిట్టూపుఁ సురగాలి వీతెంచె
చ. 3:
తలకొన్న సాత్త్వికోదయముచేఁ బరవశం
బలమి సౌఖ్యములు దెలివి పడదాయె
వలచి తిరువెంకటేశ్వరునిం బొందిన మరుని
తలఁపు లన్నియును ముందర వెనుక లాయె