ఈ పుట అచ్చుదిద్దబడ్డది
రేకు: 0045-2 ఆహిరి సంపుటం: 06-020
పల్లవి:
ఇంతగా జేసెఁగా యింతి కన్నుల నగవు
సంతరించగరాని చనుదోయి బిగువు
చ. 1:
తనివి మాలిన తలఁపు తడవోరువని బులుపు
అనువెఱుంగని కెలపు అడియాసమెలపు
కనుఁగలువలో సొలపు కాఁకదీరని యలపు
వనిత చిత్తములోని వడిగొన్న వలపు
చ. 2:
ఒడలెఱుంగని నెగులు నుల్లంబులోఁదగులు
వడియుఁగన్నీటిలో వగలు
పొడలువె ట్టెడి పొగులు పొందు వాసిన దిగులు
పడఁతికి నిది యెల్ల బరికించఁ బగులు
చ. 3:
వెరవెఱుంగని పురపు వింతలాగులయొరపు
మిరుమిట్లు గొనుమేనిమెరుపు
తిరువేంకటాచలాధీశ్వరుని కనుగిరుపు
తరుణి కిటువంటి మెత్తని పూవుఁబరపు
