పుట:చతుర్వేదసారము (పాల్కుఱికి సోమనాథుడు).pdf/98

చతుర్వేదసారము

89

⁠

శ్రుతులకుఁ దాఁ గాక పతి నని ముఖమునఁ            దాల్చిన పద్మజుతలయుఁ బోయెఁ దా దిక్కు రెండువేదములకుఁ గా కని            పోయిన సోమకుపొట్ట వ్రచ్చెఁ దాఁ దెత్తుఁ గాక వేదము లని వెనుకొన్న            మాధవుం డటు మున్ను మత్స్య మయ్యెఁ దాఁ గాక వేదముల్ దగిలి భాగింపంగఁ            గల నన్న వ్యాసునికరముఁ దునిమె

⁠

⁠

మొదల నఖిలవేదములును "శివోమాంశ్చ పితరొ" యనఁగఁ గర్త శ్రుతుల కెల్ల శివుఁడె యనక యిట్లు చెడుదురె యా హరి బ్రహ్మ మొదలుగాఁగ బసవలింగ!

⁠ 176

⁠

ఆగమంబులు దైవ మందురు శబరరు             ద్రునివెన్కఁ గుక్కలై చనియె నండ్రు ఆమ్నాయములు మూల మండ్రు దధీచిశా             పముచేతఁ దచ్ఛక్తి వాసె నండ్రు శ్రుతులు ఘనం బండ్రు సోమకుం డనువాఁడు             దొంగిలి కొనిపోయి మ్రింగె నండ్రు ఆది వేదము లండ్రు వ్యాసునిచేత ని             ప్పాట విభాగింపఁబడియె నండ్రు

⁠

⁠

సంతతంబు ద్విజులు స్వాధ్యాయపరు లయ్యు నిశ్చయార్థ మెఱుఁగనేర రెందు నట్లు గా కధర్ము లగుశాపసహితుల పలుకు లిటులు గావె బసవలింగ!

⁠ 177