పుట:చతుర్వేదసారము (పాల్కుఱికి సోమనాథుడు).pdf/46

చతుర్వేదసారము

37

⁠

మునుకొని యితిహాసమున "సరుద్రో నాత్ర             సంశయ" యనుచుఁ బ్రశంస సేయు మహితమౌ రుద్రాగమమ్ముల "తేనైవ             తు సరుద్ర" యనుచు నత్యుక్తిఁ బొగడు రూపింప శాస్త్రముల్ "రుద్రలోకాత్పరి             భ్రష్టా" యటంచును బ్రణుతి సేయు సత్యంబుగా నాదిసంహితలను "రుద్ర             మిహ భూతలే" యని యిల నుతించుఁ

⁠

⁠

గాన భక్తుఁ డగ్రగణ్యుండు హీనవం శజుఁ డనంగరాదు చదివి చదివి దవిలి నాగమయ్య తనువున నమృతంబు పరగఁ గాంచలేదె బసవలింగ!

⁠ 72

⁠

మును వీరభద్రీయమున "న యథాపూర్వ             భావనా" యనెడు సంబంధ మెఱిఁగి ధర "లింగభేదకృతస్మేరపూరుషో             నరకం వ్రజే" త్తను న్యాయ మెఱిఁగి చను కారణాగమమున "శివలింగశి             లాబుద్ధి" యనిన మూలం బెఱింగి "ద్వాదశలోహముద్రాజ్జాత మౌలింగ"             మనిన తదీయాగమార్థ మెఱిఁగి

⁠

⁠

మొదల భక్తునిపూర్వంబు వెదకువాఁడు పిదప లింగంబుపూర్వంబు వెదకువాఁడు గాన జంగమలింగంబు హీనుఁ డనెడి పాపమున కెద్ది నియతమో బసవలింగ!

⁠ 73