పుట:చతుర్వేదసారము (పాల్కుఱికి సోమనాథుడు).pdf/43

34

చతుర్వేదసారము

⁠

మేనకాత్మజకు నీశానసంహితయందు             "యది భుంజతే" యని హరుఁడు చెప్పె శివుఁడు దా లలితభైరవమున "నిర్మాల్య             ధారణం" బని చెప్పెఁ దనసుతునకు వ్యాసుఁడు శైవంబునందు జైమినికి "దే             వోపభుక్తం" బని యొనరఁ జెప్పె హరివంశమున వజ్రి కానారదుఁడు చెప్పెఁ             బూని "ప్రసాదభోగేన" యనుచు

⁠

⁠

నిట్లు పలుకును మఱి పురాణేతిహాస చయనిరూపితలింగప్రసాదభుక్తి చదువులకుఁ జర్చలకు నేల సంభవించు భర్గుకృప లేనిజడునకు బసవలింగ!

⁠ 66

⁠

బ్రహ్మహత్యాదులు పరిహృతం బగుఁ "బాత             కాపహ" మనుచు నిరూపితముగ నఖిలరోగహరణ మగు "విషదష్టైశ్చ            యాతత" యన జగత్ఖ్యాతముగను సారూప్య మగుఁ "దత్ప్రసాదోపభోగేన            సారూప్య" మనఁగ నిస్సంశయముగఁ గలుగు శివైకసుఖము "సుప్రసాదేన            పరశివస్స్వయ" మన భాసురముగ

⁠

⁠

సర్వభువనములకు జనకుం డనంగను సురులు మునులు వొగడ సుస్థిరముగ నీప్రసాదమహిమ నెఱుఁగఁజాలరు భువి భక్తజనసుసంగ బసవలింగ!

⁠ 67