పుట:చతుర్వేదసారము (పాల్కుఱికి సోమనాథుడు).pdf/157

148

చతుర్వేదసారము

⁠

మదనవికారంబు మదిఁ బుట్టునప్పటి              తలఁపు లర్పించెడికొలది యెఱిఁగి రమణి యావేళను రతి వుట్టి యాడెడు              మాటల నేర్పరివాట మెఱిఁగి యంగసంగతిఁ జుంబనాలింగనాదుల              తీపు లర్పించెడితెలివి యెఱిఁగి తమకించుపొందుచేఁ దన్నెఱుంగనియట్టి              సుఖము లర్పించెడిసూక్ష్మ మెఱిఁగి

⁠

⁠

పరగ నంతరంగ బహిరంగముల యాత్మ విషయగతులసహిత వివర మెఱిఁగి యర్పణంబు సేయు నతఁడు ప్రసాదాంగి పటుదయాంతరంగ! బసవలింగ!

⁠ 294

⁠

శాకమిశ్రమము విస్తారంబు నర్పించు                పాకమిశ్రక్రియాప్రకృతియట్ల పాకమిశ్రము పొందుపడఁగ నర్పించును                రసమిశ్ర మర్పించు రమణ యట్లు రసమిశ్ర మవధానరతి రస మర్పించు                రుచిమిశ్ర మైనట్టి రూప మట్లు రుచిమిశ్ర మాత్మానురూప మర్పించును                వివిధమిశ్రార్పణవిహిత మట్లు

⁠

⁠

విషయమిశ్ర మాత్మవిభుఁ జొచ్చి యిచ్చుఁచో తత్ప్రసాదము నవధాన మమర వెలయ మిశ్రమైన వివిధాన్నరసములు పరిగ్రహించు టెట్లు బసవలింగ!

⁠ 295