పుట:చతుర్వేదసారము (పాల్కుఱికి సోమనాథుడు).pdf/143

134

చతుర్వేదసారము

⁠

రూపార్పితవ్రతారూఢియుఁ బాడియుఁ              గరికాలవిభునంద కానఁబడియె రుద్రార్పితక్రియారూఢంబు గూఢంబు             చెన్నయ్యయందునఁ జెప్పఁబడియె కడికడి కర్పించు గతియును మతియును             జౌడన్నయందునఁ జూడఁబడియె సహభాజనక్రియాసక్తియు భక్తియు             వీరచోళునియందు వినఁగఁబడియె

⁠

⁠

నానరేంద్రువ్రతంబు నాయయ్యజిహ్వ యాగణాధీశుహస్త మాయప్పమతియుఁ గూడ నొక్కటియైన భక్తునకుఁ గాక యెసఁగ నితరుల కౌనె యో బసవలింగ!

⁠ 266

⁠

తా నెర్గి యర్పించుద్రవ్యరూపము భేద              మెఱుఁగ కర్పించిన యెఱుఁగు దీవు తా నెర్గి యర్పించుద్రవ్యసురుచి భేద              మెఱుఁగ కర్పించిన నెఱుఁగు దీవు తా బాహ్యమున నర్పితము సేయురూపంబు              లంతరార్పణ సేయ నంటె దీవు తా నంతట సమర్పితము సేయు రుచులను              బాహ్యార్పణము సేయఁ బడయు దీవు

⁠

⁠

అంద రూపనిరూపపదార్థరుచియు నొప్పు నేకాంతరార్పణం బొల్ల వీవు గాన పరికింపఁ దత్సమజ్ఞానభేద మెసఁగ నెఱుఁగ బ్రసాదియౌ బసవలింగ!

⁠ 267