పుట:చతుర్వేదసారము (పాల్కుఱికి సోమనాథుడు).pdf/101

92

చతుర్వేదసారము

⁠

అన్నదానము సేయ నన్యులశక్యమే           శూరుండు కరికాలచోళుక్రియను వస్త్రదానము సేయ స్వల్పులశక్యమే           ధన్యుండు దేవరదాసిపగిది ప్రాణదానము సేయ పరులవశంబె మ           హాత్ముండు ముసిడిచౌడయ్యభాతి కన్యదానము సేయఁగా నొరులకు నౌనె           లాలితకీర్తి భళ్ళాణుమాడ్కి

⁠

⁠

యట్ల కడఁగి యమ్మహాధర్మములు సేయ హరి విరించి వాసవాదులకును దరమె సేయ నవ్విధమున మహోదార పటుదయాంతరంగ! బసవలింగ!

⁠ 182

⁠

ప్రతిలేని గజదానచతురత మడివాలు             మాచయ్యగారికి మహిమ వెలసె శస్త్రవిద్యాదానశక్తి యీక్షితిలోనఁ             గల్లిదేవయ్యకు నుల్లసిల్లె కొమరారు నభయదానము సకలేశ్వర             మాదిరాజయ్యకు మానమయ్యె యవిరళంబుగ శరణాగతదానంబు            కిన్నరబ్రహ్మయ్య కెన్నఁబడియె

⁠

⁠

నేల యిన్ని చెప్ప నెల్లవ్రతము లెల్ల దానములును నెల్లధర్మములును గర్ములకును నెట్లు గలుగును శివభక్తి భావకులకుఁ గాక బసవలింగ!

⁠ 183