పుట:కందుకూరి వీరేశలింగం కృత గ్రంథములు.pdf/826

జాన్ గిల్పిన్

గీ. భార్యయిట్లనె౼ ౼"బాగగఁ బలికితీవు;
     ద్రాక్షసారాయి ప్రియమౌట దానికొఱకు,
     రంగుగలదిగాను, గడుసుభ్రంబుగాను
      నున్నమనదెకొంపోవుద మెుండుదక్కి."
గీ. దానికపరిమితానందమూని, యాతఁ,
     డట్టిసంతోషసమయంబునందుఁగూడఁ,
     బ్రియవధూమణితామితవ్యయమునంచె,
     పెద్దతవిలియుంటకుముద్దు పెట్టుకొనియె.
గీ. తెల్లవాఱెను, బండియు నల్లవచ్చెఁ,
     గాని, యెల్లరు గర్వముఁగలదటంచుఁ
     దనుఁదలఁతురంచు, గుమ్మముదరికిదానిఁ,
     దీసికొనిరాకయుండంగఁదెఱనపనిచె.
గీ. అందుచే, మూడుగుమ్మములంతదూర,
     ముననెయాగెనుశకటంబు, పోయియటకు
     నొకరినొక్కరుమించఁగనొక్కసారి,
     యాఱుగురునందుఁజొచ్చిరియాత్రముగను.
గీ. చబుడుకదలెను; జక్రముల్ సరిగఁదిరిగె;
     బండిలోనివారానందభరితులయిరి;
     కలగలమటంచు దిగువను శిలలు మెురసె,
     నడుగుతట్టునకును వెఱ్రితొడరినట్లు.
గీ. జానుగిల్పును గుఱ్రపుసరసకరిగి,
     వ్రేలుజూలును గరమునవేగ బట్టి,
     స్వారిసేయంగఁబై కెక్కె సంభ్రమమున;
     కానిశీఘ్రంబదిగియెనుగ్రమ్మఱంగ.