పుట:ఉద్భటారాధ్యచరిత్రము.pdf/417

తృతీయాశ్వాసము

185

మ.⁠

వదనాంభోజము లోచనత్రితయభాస్వల్లీలతోఁ గూడఁ బ ద్మదళాక్షీమణి యోర్తు మేనఁ దిరమై మత్తిల్లగఁన్ రూపసం పద సొంపొందియు రూపదూరపరతన్ భాసిల్లుచున్నట్టి ని న్నిదమిత్థంబని ప్రస్తుతించ వశమే! యీశాన! యెవ్వారికిన్.

⁠ 280

సీ.⁠

నీయంద పొడముచు నీయంద పొదలుచు        నీయంద విలయించు నిఖిలజగము సకలచరాచరాసక్తుండ వగు దీవు        రత్నంబులోని సూత్రమునుబోలె రజ్జువునందు సర్పభ్రాంతి పొడకట్టు        కైవడిఁ బ్రకృతి నీవై వసించు ననవద్య మచ్యుత మాద్య మాద్యంతవి        రహితమై వెలుగొందు మహిమ వీవ

⁠

గీ.⁠

విష్ణుఁ డన రుద్రుఁ డనఁగ వాగ్విభుఁ డనంగఁ దగిన నామాంతరంబులు దాల్చి నీవు భ్రమము సమకూర్తు వెఱుఁగని ప్రాకృతులకు నీ మహత్త్వంబు చిత్రంబు నీలకంఠ!

⁠ 281

చ.⁠

పనివడి మున్ను ఖేచరులపాటులు మాన్పఁ గుఱించి ఠేవతోఁ గనుఁగొనినాఁడ వుద్భటు జగన్నుతమూర్తి యతండు పూనుని ప్పని గొద యయ్యెనేని పురభంజన యేమియనంగవచ్చు నీ యనుపమసత్ప్రభావ మకటా! వికటాచరణంబు చూపదే?

⁠ 282

మ.⁠

అనుచున్ ఖేచరరక్షణార్థ మతిధైర్యస్ఫూర్తి చేపట్టి ప ట్టిన తెంపున్ విడకున్న రాజునకుఁ గంఠేకాలుఁ డిష్టంబు నీ ననుకూలస్థితితోడ రాఁ దొడఁగెఁ దారాగంబుపైనుండి గొ బ్బున నుక్షాధిపవల్గనైకవిచలన్భోగీంద్రహారాళియై.

⁠ 283