సీ. విను జనార్దన (మున్ను వి)[1]న్నాఁడ వీవును
వసుధ నొప్పారు నవంతిదేశ
మబ్భూమి కధినాథుఁడై యుండు ననువిందు
నగ్రజన్ముఁడు విందుం డధికబలుఁడు
సమరసమ్ముఖజయశాలి యివ్విందాను
విందుల వెసు[2]బుట్టె విమలభాను
కౌస్తుభంబులతోడఁ గమల పుట్టినయట్లు
వెలఁది యొక్కతె పూర్ణవిధునిబాస్య
ఆ. యా లతాంగి వొలిచె నంతఃపురంబులోఁ
గురులు నొసలిమీఁద గునిసి[యాడఁ][3]
బైనటించు[4] తేఁటి పదువతో నందనా
వనిఁ దనర్చు కల్పవల్లి వోలె. 12
ఉ. అంతట నొక్కనాఁడు [దను][5]జాంతక విందుఁడు కూర్మిసోదరిం
గంతు కృపాణవల్లరికి గాదిలిచుట్టము వోని కన్య న
త్యంతవయోభరాలస నిజాంఘ్రిసరోరుహదర్శనాగతం
గాంతవితాంతకాం[తిఁ బొడ][6]గాంచి మనంబునఁ బొంగె నెంతయున్[7]. 15
ఆ. ఆ లతాంగిఁ దన్వి హేలాసమంచిత
ననుపమాన యౌవనాభిరామ
నే నృపాలసుతున కిత్తునొక్కో యని
యుల్లమునఁ దలచి యొక్కనాఁడు. 16
క. సురుచిరమణిఫలకంబున
ధరణింగల రాజసుతులఁ దరుణవయో సం
భరితులఁ గులసంజాతుల
నిరుపమమతి వ్రాసిచూపె నిజసోదరికిన్. 17
