ఈ పుట అచ్చుదిద్దబడ్డది
శా. ఏలెన్ సజ్జనసాధురక్షణకళాహేలన్[1] మహీమండలిం
బోలెం బూర్వనృపాలురన్ నృగు దిలీపున్[2] రాము నాభాగునిం
దోలెన్ వైరుల దిగ్వటంకములకనున్[3] దోర్విక్రమప్రౌఢిచే
నా లీలావిభవాతిలోకుఁడు సహస్రానీకుఁ డత్యున్నతిన్. 107
సీ. వలెనన్న యప్పుడ వర్షంబు హర్షంబు
గొనసాఁగ మేఘంబు గురియుచుండఁ
గాఁపుపాలిటి కామగవియై వసుంధర
దండిమై ముక్కారుఁ బండుచుండఁ
బాలువెన్నలకు వ్రేపల్లె[4]వాడలఁబోలె
నవటుగాఁ బసులు చన్నవిసి పిదుక
జనములు తనపేరు వినినయంతనె మోడ్పుఁ
జేతు లౌఁదలలకుఁ జేరఁదిగువఁ
తే. గాలగతు లనుమాట లోకంబువారు
వినియు నెఱుఁగకయుండ నజ్జనవిభుండు
మెఱసి భుజశక్తి వారిధుల్ మేరగాఁగ
ధాత్రిఁ బాలించె నేకాతపత్రముగను. 108
సీ. వెండియుఁ బైడియు వీడ్వడ[5] నిండ్లలో
నెమ్మది[6] నుండిరి నిఖిలజనులు
పుడమిమో పెడలించి భుజగాధినాథుండు
వేడ్కతో హాయిని విశ్రమించెఁ