పుట:ఆంధ్రకామందకము (జక్కరాజు వేంకటకవి).pdf/241

సీ.⁠

జనపతిముందరఁ గనుపట్టుగా నిల్చి             తన కెదు రెక్కుశాత్రవునిమీఁద వెనుకచక్కికి మేటివీరయోధుల నంపి             పొడిపించి స్రుక్కించి కెడపియైనఁ గాక పిఱిందిభాగంబున మొనసూపి             ముందర నలయించి మొత్తియైన నీకటి ప్రక్కఁ దా నెదిరించి శూరుల             నవ్వలి ప్రక్కది క్కంపియైన

⁠

గీ.⁠

నటుల నవ్వలిపార్శ్వంబులందు మొనపి యివ్వలికి శూరతతి నంపి యెంచియైనఁ గూటయుద్ధంబుచే శత్రుఁ గూల్పవలయు నీతిమార్గం బెఱింగిననృపవరుండు.

⁠ 39

సీ.⁠

మును చక్కి విషమమై మొనుపరాకుండిన             వెనుకటిదిక్కునఁ జెనకియైన వెనుచక్కి మునుచక్కి మొనుపరాకుండినఁ             దొడరి ప్రక్కలఁ జేరి పొడచియైన నదిగాక మఱి తన యడవిమూఁకల శత్రు             బలముల దూష్యులఁ బనిచి మొదట జగడంబు చేయించి మిగులఁ దా బడలించి             సన్నమై కూఁతలు నడలియున్న

⁠

గీ.⁠

వైరితతిమీఁదఁ బడుచును వాహనములు గలఁగఁ దనరౌతులను బంపి కడిమియైనఁ గూటయుద్ధంబుచే శత్రుఁ గూల్పవలయు నీతిమార్గం బెఱింగిననృపవరుండు.

⁠ 40