పుట:ఆంధ్రకామందకము (జక్కరాజు వేంకటకవి).pdf/230

సీ.⁠

అరిబలంబులు మఱి యాటవికులు విభు              సీమఁ దా మెప్పుడు జెఱుతు మంచు నదను గోరుకయుండునట్టివారగుటను              దండయాత్రలు గల్గుతఱిని దెలిసి తనవెంట వీరిఁ దోడ్కొని పోవఁగాఁ దగు              నటులఁగాకున్న రాజ్యంబు నెల్ల జెఱుపుచుండుదు రందుచే శత్రువులకును              జయము నిశ్చయ మెట్టి సరవినైన

⁠

గీ.⁠

నదియుఁ గాకున్నచో భేదమైనఁ గలుగుఁ గావునను దండయాత్రలు గదలు నపుడు వారివెంటనె తొడుకపోవలయు నెందు దండయాత్రావిధిజ్ఞుఁడౌ ధరణివిభుఁడు.

⁠ 7

వ.⁠

ఇట్టి షడ్విధబలంబుల చందంబు లెఱింగి దండు గదలునప్పుడు విభుండు దనవెంటనే తోడుకపోవుటవిధం బెట్లనినను దత్ప్రకారంబు గ్రమంబున వివరించెద.

⁠ 8

సీ.⁠

వ్యయమును దడవును క్షయమును గలయాత్ర               తనమూలబలముతోఁ జనగవలయుఁ దడవును నాశంబుఁ దగులనియదియైనఁ               గైజీతములతోడఁ గదలవలయు నరిమూఁక కడుఁగొంచెమై తడ వందని               యెడఁ గూటములతోడ నెత్తవలయుఁ దనకు లోనై ఫలం బొనగూర్చుమిత్రుతో               సమకార్యములయందె చనఁగవలయు

⁠

గీ⁠

దుర్గములచెంతఁ గంటకాదులకు నెదుర శత్రుబలములు మున్నుగాఁ జనగవలయు

⁠