రేకు: 0270-01 దేసాళం సం: 03-401 గురు వందన, నృసింహ
| పల్లవి : |
ఎదురు లేక చరింతురెట్టెనా శ్రీవైష్ణవులు
మదించి నేనుగులకు మట్టు మేర వున్నదా
|
|
| చ. 1: |
భాగీరథిలోనఁ బాపమున్నదా పుణ్య-
భోగపు వేదములలో బొంకులున్నవా
సాగరపుటమృతపు చవిలోఁ జేఁదున్నదా
ఆగతి హరిదాసుల కపరాధ మున్నదా
|
|
| చ. 1: |
ఆకసములోన నెరుసందునున్నదా భూమిఁ
జేకొని రవియెదుటఁ జీఁకటున్నదా
యీకడఁ గామధేనువు కియ్యరానివున్నవా
కైకొన్న ప్రపన్నులను గరిసించ నున్నదా
|
|
| చ. 1: |
హరినామమంత్రములో నౌఁగాము లున్నవా
గురుకృప గలిగియుఁ గొరతున్నదా
సరవి శ్రీవేంకటేశు శరణన్నవారికి
విరసంబు లందులో వెదకఁగఁ గలదా
|
|
రేకు: 0270-02 రామక్రియ సం: 03-402 కృష్ణ
| పల్లవి : |
వీఁడివో లక్ష్మీపతి వీఁడివో సర్వేశుఁడు
వీఁడివో కోనేటిదండ విహరించే దేవుఁడు
|
|
| చ. 1: |
కొండ గొడగుగ నెత్తి గోవులఁ గాచె నాఁడు
కొండవంటి దానవునిఁ గోరి చించెను
కొండ శ్రీవేంకటమెక్కి కొలువున్నాఁ డప్పటిని
కొండవంటి దేవుఁ డిదే కోనేటికఱుతను
|
|
| చ. 1: |
మాఁకుల మద్దులు దొబ్బి మరి కల్పభూజమనే-
మాఁకు వెరికి తెచ్చెను మహిమీఁదికి
మాఁకుమీఁద నెక్కి గొల్ల మగువల చీరలిచ్చి
మాకుల కోనేటిదండ మరిగినాఁ డిదివో
|
|
| చ. 1: |
శేషుని పడగెనీడఁ జేరి యశోద యింటికి
శేషజాతి కాళింగుఁ జిక్కించి కాచె
శేషాచలమనేటి శ్రీవేంకటాద్రిపై
శేషమై కోనేటిదండఁ జెలఁగీని దేవుఁడు
|
|
రేకు: 0270-03 సామంతం సం: 03-403 శరణాగతి
| పల్లవి : |
కడుపు నిండె నిఁకఁ గడమేది మును
తడవిన యపుడే నే ధన్యుఁడనైతి
|
|
| చ. 1: |
హరిహరి యని నే నన్ననాఁడె నా-
పరగిన జన్మము ఫలియించె
కెరలి మీఁద మిక్కిలి నీసేవలు
వరుస జలధిలో వానలు
|
|
| చ. 1: |
ముందర నీకును మొక్కినయపుడే
అందితిఁ దుదిపదమగు సుఖము
పొందుగ మీఁదటి వేవేలు సేవలు
యెందును శ్రీమంతు కిచ్చిన సిరులు
|
|
| చ. 1: |
శ్రీవేంకటపతి శరణనినపుడే
దైవమ నాపాల దక్కితివి
చేవలఁ గమ్మర సేవించు సేవలు
వేవేలు పూజల వేడుకలు
|
|
రేకు: 0270-04 దేవగాంధారి సం: 03-404 మనసా
| పల్లవి : |
మాయలఁ బొరలఁగనేఁటికి మనసా కలకాలంబును
యేయెడ లక్ష్మీకాంతుఁ డీతనిఁ దలఁచవుగా
|
|
| చ. 1: |
మన్నునఁ బుట్టిన కాయము మన్నుననఁగేటి దింతే
మిన్నుల మీఁదికిఁ బోవదు మెరయుచు నెంతైనా
అన్నిట నీ జీవునికిని అంతర్యామీ దేవుఁడు
యెన్నఁడుఁ బాయని బంధువుఁ డీతనిఁ దలఁచవుగా
|
|
| చ. 2: |
ధరపైఁ బుట్టిన దేహము ధరపైఁ బుట్టి(ట్టు?)న దింతే
పరమానందము గోరదు పైపై నెంతయినా
గరిమల నీ జీవునికిని గతియగు దేవుం డీతఁడు
నిరతపు సుఖములె యొసఁగును నీవిటు దలఁచవుగా
|
|
| చ. 3: |
శ్రీవేంకటపతి సొమ్ములు చేరెడి దాతని నింతే
ఆవల నితరుల నంటవు ఆతుమ లన్నియును
యేవిధముల నీ జీవుని కేలికె యీదేవుండే
పావనముగ బ్రదికించెను పయికొని తలఁచవుగా
|
|
రేకు: 0270-05 మాళవిగౌళ సం: 03-405 శరణాగతి
| పల్లవి : |
రుచులు నే నిటు గొనని వేడవి రోఁతలయ్యెడిఁగాక నేఁడు
వచనముల హరి నీకు శరణని వసుధఁ బావనమైతిఁ గాక
|
|
| చ. 1: |
నేను సేయని పాపమేడది నిఖిలలోకములందును
నేను చొరని నరకమేడది నెఱయ దుర్గతుల
నేను పొడమని యోనులేడవి నిఖిలజంతువులందును
పూని హరి నిను శరణుచొరఁగాఁ బుణ్యుఁగాఁ జేసితివిఁ గాక
|
|
| చ. 2: |
నిరతి వాడని కల్లలేడవి నేను నాలుక తుదలయందును
పొరలి నడపని కర్మమేడది భువి ననాచారములలో
తిరిగి తిరిగి నీచులిండ్లను తిరియనర్థము లింకనేడవి
గరిమ హరి నే నిన్ను శరణనఁగాను ఘనుఁ జేసితివిఁ గాక
|
|
| చ. 3: |
తలఁప నజ్ఞానములు నపరాధములు నాయెడ లేనివేడవి
యెలిమి నన్నిట్లేలఁ దగునా యేలితివిఁ గాక
నిలిచి శ్రీవేంకటగిరీశ్వర నీకు శరణనుమాత్ర మింతే
కలసి నాయెడనేమి గంటివి కాచితివి భువనములలోను
|
|
