రేకు: 0314-01 లలిత సం: 04-078 ఇతర దేవతలు
| పల్లవి : |
నిత్యసుఖానంద మిదె నీ దాస్యము
సత్యములేని సుఖాలు చాలుఁ జాలు నయ్యా
|
|
| చ. 1: |
కన్ను చూపుల సుఖము కడు నీచక్కనిరూపె
యెన్నఁగ వీనులసుఖమిదె నీపేరు
పన్ని నాలుకసుఖము పొదపు నీతులసి
వున్న సుఖముల తెరు వొడఁబడమయ్యా
|
|
| చ. 1: |
తనువుతోడిసుఖము తగు నీకైంకర్యము
మనసులోసుఖము నీ మంచిధ్యానము
పనివి యూర్పుసుఖము పాదపద్మమువాసన
యెనయని పెరసుఖ మేమి సేసేనయ్యా
|
|
| చ. 1: |
పుట్టుగు కెల్లసుఖము పొల్లులేనినీభక్తి
తొట్టి కాళ్లసుఖము పాతురలాడుట
జట్టి శ్రీవేంకటేశ మాచనవోలి చెన్నుఁడవై
వొట్టుకొని మమ్మేలితివోహో మేలయ్యా
|
|
రేకు: 0314-02 మంగళకౌశిక సం: 04-079 గురు వందన, నృసింహ
| పల్లవి : |
జీవములు దవ్వువోయ చీమలునుఁ బుట్టచొచ్చె
వేవేలయిన నిది విడువనయ్యా
|
|
| చ. 1: |
చింతలన్నియుఁ బాసె చిత్తమింతట రోసె
యెంత లే దీయాసలు యిఁకనేలయ్యా
అంతలో గురునిగంటి హరికే శరణంటి
దొంతులభవములాల తొలఁగరో
|
|
| చ. 2: |
గక్కనఁ గడువు నిండె కన్నుఁ దనిసె నిదె
యెక్కడి పలురుచులు యిఁకనేలయ్యా
చిక్కె విజ్ఞానము నేఁడె జిహ్వ నారాయణుఁగూడె
వుక్కునఁ బాపములాల వుడుగరో
|
|
| చ. 3: |
జీవుఁడు పాపనమాయ దేవుఁడే జీవనమాయ
యీవలి యావని కర్మమిఁక నేలయ్యా
శ్రీవేంకటేశు భక్తిఁ జేరి శరణంటి నేను
భావపుబంధములాల పారరో
|
|
రేకు: 0314-03 తోడి సం: 04-080 ఉపమానములు
| పల్లవి : |
ఇంతే యింతే యింకా నెంత చూచినా
చింతలఁ జిగురులెక్కి చేఁగదేరినట్లు
|
|
| చ. 1: |
వుల్లములో నెంచనెంచ నుద్యోగములే పెక్కు
పొల్లకట్టు దంచదంచఁ బోగులైనట్టు
బల్లిదుని హరినాత్మ భావించుటొకటే
ముల్ల ముంటఁ దీసి సుఖమున నుండినట్లు
|
|
| చ. 2: |
అనిన సంసారమున నలయికలే పెక్కు
చానిపిఁ జవి వేఁడితేఁ జప్పనైనట్టు
పూని హరిఁ జేతులారాఁ బూజించుటొకటే
నూనె గొలిచి కుంచము నుసికిలినట్లు
|
|
| చ. 3: |
వెనకఁ దలఁచుకొంటే విజ్ఞానములే పెక్కు
తినఁ దిన వేమేఁ దీపైనట్టు
చనవై శ్రీవేంకటేశు శరణను టొక్కటే
పనివడి చెఱకునఁ బండువండినట్లు
|
|
రేకు: 0314-04 నారాయణి సం: 04-081 శరణాగతి
| పల్లవి : |
హరిశరణాగతి యాతుమది
సరుస నిదియపో సతమయ్యెడిది
|
|
| చ. 1: |
దినదినరుచులివి దేహమువి
చెనకేటికోరిక చిత్తముది
యెనపేటికాంతలు యింద్రియంబులవి
పనివి యాత్మకివి పనిలేదయ్యా
|
|
| చ. 2: |
పదరేటికోపము పావముది
అదనఁ గాలములు అనాదివి
నిదుర తమోగుణ నిలయముది
యెదుట నాత్మకివి యెరవెరవయ్యా
|
|
| చ. 3: |
కాయపు జననము కర్మముది
మాయలంపటము మమతలది
యేయెడ శ్రీవేంకటేశుఁ డితనికృప
పాయనియాత్మకుఁ బ్రమాణమయ్యా
|
|
రేకు: 0314-05 దేశాక్షి సం: 04-082 గురు వందన, నృసింహ
| పల్లవి : |
ఎదిరికి మాకును యెక్కుడుతక్కువ లివి
పదిలపుజ్ఞానముచేఁ బవిత్ర మాయ
|
|
| చ. 1: |
మహిఁ బొడమినవెల్లా మంచివే యందులోఁ
దహతహ దేహమే తగనిది
యిహములో తృణములుయెండినా యోగ్యములాయ
బహి నిర్జీవపు మేను పనికిరాదాయ
|
|
| చ. 2: |
పుడమిఁ జల్లినవెల్ల పురుషార్థపదములే
కడుపున నిడుకొంటేఁ గానివి
గుడికొని యితరపు గోమయమే శుద్ధి యాయ
అడరి మానుషధర్మ మతి హేయ మాయ
|
|
| చ. 3: |
హరిసేవ గురుసేన నాత్మజ్ఞానమున కెక్కె
పొరలింపుఁగర్మమే పుణ్యమంటెకే
అరిది శ్రీవేంకటేశుడంతరాత్మకుఁ డితని
శరణనుటే సర్వసాధన మాయ
|
|
రేకు: 0314-06 దేసాళం సం: 04-083 వైరాగ్య చింత
| పల్లవి : |
గుల్ల గుల్లే రాయి రాయే గురి యెంతవేసినాను
అల్లనాఁడే అడియాస లవియేల విడుతు
|
|
| చ. 1: |
మహిలోన రోగములు మాన మందు గద్దుగాక
సహజగుణము మాన్పఁజాలుమందు గలదా
బహుబంధములు నీవే పాపితే నేమోకాని
అహరహమును నేనే అవియేల విడుతు
|
|
| చ. 2: |
తనరూపమద్దములో తగఁ జూడవచ్చుఁగాక
మనసు దా నద్దములో మరి చూడవచ్చునా
దినచంచలము నీవే తీర్చితేనేమో కాని
అనుఁగు సంశయము నేనదియేల విడుతు
|
|
| చ. 3: |
నాలుకచే రుచులెల్ల నంజి చూడవచ్చుఁగాక
జాలిఁబడ్డ కన్నులచేఁ జవి గానవచ్చుఁగాక
యేలి శ్రీవేంకటేశ నీవిట్టే కాతువుగాక
వేళ జీవుఁడను నా విధమేల విడుతు
|
|
