జడకుచ్చులు/తమ్ముడా
తమ్ముడా!
శ్రీలుపొంగిన ♦ జీవగడ్డయి.
పాలు బాఱిన ♦ భాగ్యసీమయి
వ్రాలినది యీ ♦ భరతవర్షము
భక్తి పాడర తమ్ముడా!
2 . వేద శాఖలు ♦ వెలసె నిచ్చట
ఆది కావ్యం ♦ బలరె నిచ్చట
బాదరాయణ ♦ పరమఋషులకు
పాదు సు మ్మిది తమ్ముడా!
3. విపిన బంధుర ♦ వృక్ష వాటిక
ఉపనిమషన్మధు ♦ వొలికె నిచ్చట
విపుల తత్వము ♦ విస్తరించిన
విశ్వమణి యిదే తమ్ముడా!
4. సూత్రయుగముల ♦ శుద్ధవాసన
క్షాత్రయుగముల ♦ చండ శౌర్యము
చిత్ర దాస్యము♦ చే చరిత్రల
చెఱిగిపోయెర తమ్ముడా!
5. మేలికిన్నెర ♦మేళవించీ
రాలు గరుగగ ♦ రాగమెత్తీ
పాల తీయని ♦ బాల భారత
పదము బాడర తమ్ముడా!
6 నవరసమ్ములు ♦ నాట్యమాడగ
చివురుపలుకులు ♦ జెవుల విందుగ
కవితలల్లిన ♦ కాంత హృదయుల
గారవింపర తమ్ముడా!
7 దేశగర్వము ♦ దీప్తి జెందగ
దేశ చరితము.♦ తేజరిల్లగ
దేశ మరసిస ♦ ధీరపురుషుల
తెలిసి పాడర తమ్ముడా!
8 పాండ వేయుల ♦ పదునుకత్తులు
మండి మెఱసిన ♦ మహిత రణకథ
కండగల చి ♦ క్కని తెనుంగుల.
కలిపి పాడర తమ్ముడా!
9 లోక మంతకు ♦ కాక బెట్టిన
కాకతీయుల ♦కదన పాండితి
చీకిపోవని ♦ చేవమాటల
చేర్చి పాడర తమ్ముడా!
10 తుంగభద్రా ♦ భంగములతో
పొంగి నింగిని ♦ పొడచి త్రుళ్ళీ
భంగపడని తె ♦ నుంగు నాథుల
పాటబాడర తమ్ముడా!
11 పసుపు కొంగుల ♦ ముసుగు లెడలగ
కొసలు తీర్చిన ♦ కోరకత్తుల
కసరిపోరిన ♦ గండు యోధుల
పదము బాడర తమ్ముడా