న తమ్ అంహో న దురితం దేవాసో అష్ట మర్త్యమ్ |
సజోషసో యమ్ అర్యమా మిత్రో నయన్తి వరుణో అతి ద్విషః || 10-126-01
తద్ ధి వయం వృణీమహే వరుణ మిత్రార్యమన్ |
యేనా నిర్ అంహసో యూయమ్ పాథ నేథా చ మర్త్యమ్ అతి ద్విషః || 10-126-02
తే నూనం నో ऽయమ్ ఊతయే వరుణో మిత్రో అర్యమా |
నయిష్ఠా ఉ నో నేషణి పర్షిష్ఠా ఉ నః పర్షణ్య్ అతి ద్విషః || 10-126-03
యూయం విశ్వమ్ పరి పాథ వరుణో మిత్రో అర్యమా |
యుష్మాకం శర్మణి ప్రియే స్యామ సుప్రణీతయో ऽతి ద్విషః || 10-126-04
ఆదిత్యాసో అతి స్రిధో వరుణో మిత్రో అర్యమా |
ఉగ్రమ్ మరుద్భీ రుద్రం హువేమేన్ద్రమ్ అగ్నిం స్వస్తయే ऽతి ద్విషః || 10-126-05
నేతార ఊ షు ణస్ తిరో వరుణో మిత్రో అర్యమా |
అతి విశ్వాని దురితా రాజానశ్ చర్షణీనామ్ అతి ద్విషః || 10-126-06
శునమ్ అస్మభ్యమ్ ఊతయే వరుణో మిత్రో అర్యమా |
శర్మ యచ్ఛన్తు సప్రథ ఆదిత్యాసో యద్ ఈమహే అతి ద్విషః || 10-126-07
యథా హ త్యద్ వసవో గౌర్యం చిత్ పది షితామ్ అముఞ్చతా యజత్రాః |
ఏవో ష్వ్ అస్మన్ ముఞ్చతా వ్య్ అంహః ప్ర తార్య్ అగ్నే ప్రతరం న ఆయుః || 10-126-08