ఇతర చింతలిఁకనేమిటికి
ఇతర చింతలిఁకనేమిటికి
అతఁడే గతియై అరసేటివాఁడు
కర్మమూలమే కాయము నిజ
ధర్మమూలమే తనయాత్మ
అర్మిలి రెంటికి హరియెకఁడే
మర్మ మీతఁడే మనిపేటివాఁడు
బహుభోగమయము ప్రపంచము
నిహితజ్ఞానము నిజముక్తి
ఇహపరములకును యీశ్వరుఁడే
సహజపుఁగర్తై జరపేటివాఁడు
అతిదుఃఖకరము లాసలు
సతతసుఖకరము సమవిరతి
గతి యలమేల్మంగతో శ్రీవేంకట
పతి యొకఁ డన్నిట బాలించువాఁడు 3-22