అధర్వణవేదము - కాండము 19 - సూక్తములు 51 నుండి 60 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 19 - సూక్తములు 51 నుండి 60 వరకూ) | తరువాతి అధ్యాయము→ |
అధర్వణవేదము - కాండము 19 - సూక్తము 51[మార్చు]
అయుతో ऽహమయుతో మ ఆత్మాయుతం మే చక్షురయుతం మే శ్రోత్రమ్ |
అయుతో మే ప్రాణో ऽయుతో మే ऽపానో ऽయుతో మే వ్యానో ऽయుతో ऽహం సర్వః ||1||
దేవస్య త్వా సవితుః ప్రసవే ऽశ్వినోర్బాహుభ్యాం పూష్ణో హస్తాభ్యాం ప్రసూత ఆ రభే ||2||
అధర్వణవేదము - కాండము 19 - సూక్తము 52[మార్చు]
కామస్తదగ్రే సమవర్తత మనసో రేతః ప్రథమం యదాసీత్ |
స కామ కామేన బృహతా సయోనీ రాయస్పోషం యజమానాయ ధేహి ||1||
త్వం కామ సహసాసి ప్రతిష్ఠితో విభుర్విభావా సఖ ఆ సఖీయతే |
త్వముగ్రః పృతనాసు ససహిః సహ ఓజో యజమానాయ ధేహి ||2||
దూరాచ్చకమానాయ ప్రతిపాణాయాక్షయే |
ఆస్మా అశృణ్వన్నాశాః కామేనాజనయన్త్స్వః ||3||
కామేన మా కామ ఆగన్హృదయాద్ధృదయం పరి |
యదమీషామదో మనస్తదైతూప మామిహ ||4||
యత్కామ కామయమానా ఇదం కృణ్మసి తే హవిః |
తన్నః సర్వం సమృధ్యతామథైతస్య హవిషో వీహి స్వాహా ||5||
అధర్వణవేదము - కాండము 19 - సూక్తము 53[మార్చు]
కాలో అశ్వో వహతి సప్తరశ్మిః సహస్రాక్షో అజరో భూరిరేతాః |
తమా రోహన్తి కవయో విపశ్చితస్తస్య చక్రా భువనాని విశ్వా ||1||
సప్త చక్రాన్వహతి కాల ఏష సప్తాస్య నాభీరమృతం న్వక్షః |
స ఇమా విశ్వా భువనాన్యఞ్జత్కాలః స ఈయతే ప్రథమో ను దేవః ||2||
పూర్ణః కుమ్భో ऽధి కాల ఆహితస్తం వై పశ్యామో బహుధా ను సన్తమ్ |
స ఇమా విశ్వా భువనాని ప్రత్యఙ్కాలం తమాహుః పరమే వ్యోమన్ ||3||
స ఏవ సం భువనాన్యాభరత్స ఏవ సం భువనాని పర్యైత్ |
పితా సన్నభవత్పుత్ర ఏషాం తస్మాద్వై నాన్యత్పరమస్తి తేజః ||4||
కాలో ऽమూం దివమజనయత్కాల ఇమాః పృథివీరుత |
కాలే హ భూతం భవ్యం చేషితం హ వి తిష్ఠతే ||5||
కాలో భూతిమసృజత కాలే తపతి సూర్యః |
కాలే హ విశ్వా భూతాని కాలే చక్షుర్వి పశ్యతి ||6||
కాలే మనః కాలే ప్రాణః కాలే నామ సమాహితమ్ |
కాలేన సర్వా నన్దన్త్యాగతేన ప్రజా ఇమాః ||7||
కాలే తపః కాలే జ్యేష్ఠమ్కాలే బ్రహ్మ సమాహితమ్ |
కాలో హ సర్వస్యేశ్వరో యః పితాసీత్ప్రజాపతేః ||8||
తేనేషితం తేన జాతం తదు తస్మిన్ప్రతిష్ఠితమ్ |
కాలో హ బ్రహ్మ భూత్వా బిభర్తి పరమేష్ఠినమ్ ||9||
కాలహ్ప్రజా అసృజత కాలో అగ్రే ప్రజాపతిమ్ |
స్వయంభూః కశ్యపః కాలాత్తపః కాలాదజాయత ||10||
అధర్వణవేదము - కాండము 19 - సూక్తము 54[మార్చు]
కాలాదాపః సమభవన్కాలాద్బ్రహ్మ తపో దిశః |
కాలేనోదేతి సూర్యః కాలే ని విశతే పునః ||1||
కాలేన వాతః పవతే కాలేన పృథివీ మహీ |
ద్యౌర్మహీ కాల ఆహితా ||2||
కాలో హ భూతం భవ్యం చ పుత్రో అజనయత్పురా |
కాలాదృచః సమభవన్యజుః కాలాదజాయత ||3||
కాలో యజ్ఞం సమైరయద్దేవేభ్యో భాగమక్షితమ్ |
కాలే గన్ధర్వాప్సరసః కాలే లోకాః ప్రతిష్ఠితాః ||4||
కాలే ऽయమఙ్గిరా దేవో ऽథర్వా చాధి తిష్ఠతః |
ఇమం చ లోకం పరమం చ లోకం పుణ్యాంశ్చ లోకాన్విధృతీశ్చ పుణ్యాః |
సర్వాంల్లోకానభిజిత్య బ్రహ్మణా కాలః స ఈయతే పరమో ను దేవః ||5||
అధర్వణవేదము - కాండము 19 - సూక్తము 55[మార్చు]
రాత్రింరాత్రిమప్రయాతం భరన్తో ऽశ్వాయేవ తిష్ఠతే ఘాసమస్మై |
రాయస్పోషేణ సమిషా మదన్తో మా తే అగ్నే ప్రతివేశా రిషామ ||1||
యా తే వసోర్వాత ఇషుః సా త ఏషా తయా నో మృడ |
రాయస్పోషేణ సమిషా మదన్తో మా తే అగ్నే ప్రతివేశా రిషామ ||2||
సాయంసాయం గృహపతిర్నో అగ్నిః ప్రాతఃప్రాతః సౌమనసస్య దాతా |
వసోర్వసోర్వసుదాన ఏధి వయం త్వేన్ధానాస్తన్వం పుషేమ ||3||
ప్రాతఃప్రాతర్గృహపతిర్నో అగ్నిః సాయంసాయం సౌమనసస్య దాతా |
వసోర్వసోర్వసుదాన ఏధీన్ధానాస్త్వా శతంహిమా ఋధేమ ||4||
అపశ్చా దగ్ధాన్నస్య భూయాసమ్ |
అన్నాదాయాన్నపతయే రుద్రాయ నమో అగ్నయే |
సభ్యః సభాం మే పాహి యే చ సభ్యాః సభాసదః ||5||
త్వామిన్ద్రా పురుహూత విశ్వమాయుర్వ్యశ్నవన్ |
అహరహర్బలిమిత్తే హరన్తో ऽశ్వాయేవ తిష్ఠతే ఘాసమగ్నే ||6||
అధర్వణవేదము - కాండము 19 - సూక్తము 56[మార్చు]
యమస్య లోకాదధ్యా బభూవిథ ప్రమదా మర్త్యాన్ప్ర యునక్షి ధీరః |
ఏకాకినా సరథం యాసి విద్వాన్త్స్వప్నం మిమానో అసురస్య యోనౌ ||1||
బన్ధస్త్వాగ్రే విశ్వచయా అపశ్యత్పురా రాత్ర్యా జనితోరేకే అహ్ని |
తతః స్వప్నేదమధ్యా బభూవిథ భిషగ్భ్యో రూపమపగూహమానః ||2||
బృహద్గావాసురేభ్యో ऽధి దేవానుపావర్తత మహిమానమిఛన్ |
తస్మై స్వప్నాయ దధురాధిపత్యం త్రయస్త్రింశాసః స్వరానశానాః ||3||
నైతాం విదుః పితరో నోత దేవా యేషాం జల్పిశ్చరత్యన్తరేదమ్ |
త్రితే స్వప్నమదధురాప్త్యే నర ఆదిత్యాసో వరుణేనానుశిష్టాః ||4||
యస్య క్రూరమభజన్త దుష్కృతో ऽస్వప్నేన సుకృతః పుణ్యమాయుః |
స్వర్మదసి పరమేణ బన్ధునా తప్యమానస్య మనసో ऽధి జజ్ఞిషే ||5||
విద్మ తే సర్వాః పరిజాః పురస్తాద్విద్మ స్వప్న యో అధిపా ఇహా తే |
యశశ్వినో నో యశసేహ పాహ్యారాద్ద్విషేభిరప యాహి దూరమ్ ||6||
అధర్వణవేదము - కాండము 19 - సూక్తము 57[మార్చు]
యథా కలాం యథా శపం యథా ర్ణం సమ్నయన్తి |
ఏవా దుష్వప్న్యం సర్వమప్రియే సం నయామసి ||1||
సం రాజానో అగుః సమృణామ్యగుః సం కుష్ఠా అగుః సం కలా అగుః |
సమస్మాసు యద్దుష్వప్న్యం నిర్ద్విషతే దుష్వప్న్యం సువామ ||2||
దేవానాం పత్నీనాం గర్భ యమస్య కర యో భద్రః స్వప్న |
స మమ యః పాపస్తద్ద్విషతే ప్ర హిణ్మః |
మా తృష్టానామసి కృష్ణశకునేర్ముఖమ్ ||3||
తం త్వా స్వప్న తథా సం విద్మ స త్వం స్వప్నాశ్వ ఇవ కాయమశ్వ ఇవ నీనాహమ్ |
అనాస్మాకం దేవపీయుం పియారుం వప యదస్మాసు దుష్వప్న్యం యద్గోషు యచ్చ నో గృహే ||4||
అనాస్మాకస్తద్దేవపీయుః పియారుర్నిష్కమివ ప్రతి ముఞ్చతామ్ |
నవారత్నీనపమయా అస్మాకం తతః పరి |
దుష్వప్న్యం సర్వం ద్విషతే నిర్దయామసి ||5||
అధర్వణవేదము - కాండము 19 - సూక్తము 58[మార్చు]
ఘృతస్య జూతిః సమనా సదేవా సంవత్సరం హవిషా వర్ధయన్తీ |
శ్రోత్రం చక్షుః ప్రాణో ऽఛిన్నో నో అస్త్వఛిన్నా వయమాయుషో వర్చసః ||1||
ఉపాస్మాన్ప్రాణో హ్వయతాముప ప్రాణం హవామహే |
వర్చో జగ్రాహ పృథివ్యన్తరిక్షం వర్చః సోమో బృహస్పతిర్విధత్తా ||2||
వర్చసో ద్యావాపృథివీ సంగ్రహణీ బభూవథుర్వర్చో గృహీత్వా పృథివీమను సం చరేమ |
యశసమ్గావో గోపతిముప తిష్ఠన్త్యాయతీర్యశో గృహీత్వా పృథివీమను సం చరేమ ||3||
వ్రజం కృణుధ్వం స హి వో నృపాణో వర్మా సీవ్యధ్వం బహులా పృథూని |
పురః కృణుధ్వమాయసీరధృష్టా మా వః సుస్రోచ్చమసో దృంహత తమ్ ||4||
యజ్ఞస్య చక్షుః ప్రభృతిర్ముఖం చ వాచా శ్రోత్రేణ మనసా జుహోమి |
ఇమం యజ్ఞం వితతం విశ్వకర్మణా దేవా యన్తు సుమనస్యమానాః ||5||
యే దేవానామృత్విజో యే చ యజ్ఞియా యేభ్యో హవ్యం క్రియతే భాగధేయమ్ |
ఇమం యజ్ఞం సహ పత్నీభిరేత్య యావన్తో దేవాస్తవిషా మాదయన్తామ్ ||6||
అధర్వణవేదము - కాండము 19 - సూక్తము 59[మార్చు]
త్వమగ్నే వ్రతపా అసి దేవ ఆ మర్త్యేష్వా |
త్వం యజ్ఞేష్వీడ్యః ||1||
యద్వో వయం ప్రమినామ వ్రతాని విదుషాం దేవా అవిదుష్టరాసః |
అగ్నిష్టద్విశ్వాదా పృణాతు విద్వాన్త్సోమస్య యో బ్రాహ్మణాఁ ఆవివేశ ||2||
ఆ దేవానామపి పన్థామగన్మ యచ్ఛక్నవామ తదనుప్రవోదుమ్ |
అగ్నిర్విద్వాన్త్స యజాత్స ఇద్ధోతా సో ऽధ్వరాన్త్స ఋతూన్కల్పయాతి ||3||
అధర్వణవేదము - కాండము 19 - సూక్తము 60[మార్చు]
వాఙ్మ ఆసన్నసోః ప్రాణశ్చక్షురక్ష్ణోః శ్రోత్రం కర్ణయోః |
అపలితాః కేశా అశోణా దన్తా బహు బాహ్వోర్బలమ్ ||1||
ఊర్వోరోజో జఙ్ఘయోర్జవః పాదయోః |
ప్రతిష్ఠా అరిష్టాని మే సర్వాత్మానిభృష్టః ||2||
| ←ముందరి అధ్యాయము | అధర్వణవేదము | తరువాతి అధ్యాయము→ |