ఈ పుట అచ్చుదిద్దబడ్డది
రేకు: 0114-5 నాదరామక్రియ సంపుటం: 07-083
పల్లవి:
నీవల్లనె కొత్తగాదు నిండుజవ్వనము గల
కావరపు వారి కెల్లా కలదిదే చాలు
చ.1:
ఏమని మాటలాడెనో యింతి నీతోనల్లప్పుడే
మోమునఁ గళలు దేరీ ముదము తోడ
చేముట్టి నాతోనప్పటి చేరి సరస మాడేవు
ఆమని కాలముగాఁగా నగ్గువాయ వలపు
చ.2:
సన్నలేమి సేసెనో జలజాక్షి నీ కప్పుడు
పన్నిన నీ చిత్తమెల్లా పరాకైనది
మన్నించి అప్పటి నాతో మాటలూనాడేవు
నున్నగానుప్పాలికి యినుమడాయ వలపు
చ.3:
కలసీన రతి యెట్టో కౌఁగిటను మదిరాక్షి
నిలువెల్లాఁ బులకలై నిగ్గుదేరెను
అలరి శ్రీవేంకటేశ అప్పటి నన్నుఁ గూడితి
బలిమిఁ బయిరు సేయఁగ పంటవండె వలపు