ఈ పుట అచ్చుదిద్దబడ్డది
రేకు: 0114-4 ముఖారి సంపుటం: 07-082
పల్లవి:
అటువంటి సతిఁ గాని యాదరించవు
మటుమాయముల మాటుమందులే నీకు
చ.1:
కాటుక కన్నుల యింతి కందువ చూపులు దాఁకి
నాటుకొని నీ తనువు నల్ననాయను
మేటియై యాపెచెక్కుల మెఱుఁగు కళలు దాఁకి
పాటించి నీకోకయెల్లాఁ బచ్చనాయను
చ.2:
జలజవదనమేని జవ్వనభావాలు సోఁకి
పాలుపొంద నీబొడ్డు పూవక పూచెను
అలర జఘన చక్ర మాపె పొాందుసేయంగాను
తిలకింపఁ జక్రము చేతికి వచ్చెను
చ.3:
పాల వెల్లి కూఁతురుఁ జేపట్టి పెండ్లాడఁగాను
పాల సముద్రము నీకుఁ బడుకాయను
యీలీల శ్రీ వేంకటేశ యిందర మాపె వారమే
వేల సంఖ్యల సతుల విటతనమబ్బెను
