ఈ పుట అచ్చుదిద్దబడ్డది
రేకు: 0114-3 రామక్రియ సంపుటం; 07-081
పల్లవి:
ఏల నీకు నీవే పతినింత సేసేవే
మేలు మీఁదనుండితేనే మెచ్చవచ్చుఁగాక
చ.1:
మచ్చిక చుట్టాలైతే మర్మాలెత్తుదురా
యిచ్చకములాడితేనే యింపులుగాక
తచ్చి నీరు వేఁడైతే తామర వోరుచునా
చెచ్చెరఁ జల్లనైవుంటేఁ జెంగలించుఁ గాక
చ.2:
వొడఁబాటు గలవారు వొచ్చము పట్టుదురా
ఆడరి సరసమాడేదందముగాక
బెడసి కూడు వేఁడైతే పెదవులోరుచునా
జడిసీ దగు పాటైతేఁ జవి వుట్టఁ గాక
చ.3:
కౌఁగిటఁ గడినవారు కడమ వెట్టుదురా
వీఁగక పెనఁగితేనే వేడుక గాక
ఆఁగెను నిన్నురముపైనట్టె శ్రీ వేంకటేశుఁడు
వేఁగా తీగెకుఁగాయ వినోదమేకాక
