ఈ పుట అచ్చుదిద్దబడ్డది
రేకు: 0114-2 పాడి సంపుటం: 07-080
పల్లవి:
ఆతఁడు నీవును నేకమైనట్టే వుందురుగాక
యీతల నాతలా బింకాలేల దూసేరే
చ.1:
మచ్చిక చేసినవారు మాటలఁ గొసరుదురు
పచ్చిగా నవ్వేటివారు పైకొందురు
విచ్చిన విడైనవారు వెఱపు లేకుండుదురు
యెచ్చుకుందులు మీలోననేల పట్టేరే
చ.2:
పొద్దువోని యట్టివారు బొమ్మల జంకింతురు
వద్దనున్నవారు లోలో వాసి రేఁతురు
కోద్టిమీరినట్టివారు గురులు దాఁకింతురు
యిద్దరూను పంతాలకు యేల పెనఁగేరే
చ.3:
చనవులు గలవారు సరసాలు చూపుదురు
తనియఁ గూడెడివారు తమకింతురు
యెనసితిరి శ్రీ వేంకటేశుఁడు నీవును నిట్టే
యినుమడించెఁ దగవులేల పెట్టేరే
