ఈ పుట అచ్చుదిద్దబడ్డది
రేకు: 0110-5 రామక్రియ సంపుటం: 07-059
పల్లవి:
ఉండనీరా యీపాటి వూరకే నన్ను
కొండెగోడితనాలకుఁ గోపమెల్లా వచ్చును
చ.1:
చుట్టుమవుతానెఱఁగము సూడుబంటవో యెఱఁగ
మట్టె నాతో నాపె సుద్దులాడుకొనేవు
ముట్టి ముట్టి నేము సీతో ముచ్చటలు చెప్పుకోఁగా
యెట్టు వచ్చునో యెఱఁగమేమీనననొల్లము
చ.2:
నగవవుతా నెఱఁగము నాటకమో యెఱఁగము
తగవు నన్నడిగేవాతరుణిమాట
నిగిడి పోపో చాలు నిన్నునెవ్వఁడెఱుఁగును
యెగసక్కిఁడవు తొల్లే యేమీనననోపము
చ.3:
నెపమవుతా నెఱఁగము నెయ్య మవుతానెఱఁగము
యిపుడు వచ్చితిరి మాయింటికి మీరు
అపుడె శ్రీ వేంకటేశ అలమేలుమంగ నేను
చపలతఁ గూడితిని సాదించ నేనోపను
