ఈ పుట అచ్చుదిద్దబడ్డది
రేకు: 0200-1 మంగళకౌశిక సంపుటం: 07-591
పల్లవి:
ఏల నీవు దాఁచేవు యింతలో మాకు
తాలిమినిలుచునందు తగులములున్నవి
చ.1:
అంచల మూఁకలలోనున్న అతివపై నీవు గొంత
ముంచిన నవ్వులలోన మోహమున్నది
తుంచి తుంచి తామెరల తూండ్లు నీవు వేయఁగ
వంచిన యాపెచూపుల వలపులునున్నవి
చ.2:
ఆసపడి నీవిప్పుడు అండనుండి యేమేమో
సేసిన చేఁతలలోన సిగ్గులున్నవి
సేసవెట్టి పువ్వులను చిమ్మిరేఁగ నన్నలను
వాసిన 'యాపెవ్రాలలో వాడికెల్లానున్నది
చ.3:
తోడనె శ్రీ వెంకటేశ దొరసి మీరిద్దరును
కూడిన కూటమిలోన గురులున్నవి
వాడుదేర నేఁడాపె వంకలొత్తి నీచేతికి
వీడెమిచ్చినందులోనే వేడుకెల్లానున్నది