ఈ పుట అచ్చుదిద్దబడ్డది
రేకు: 0199-6 రామక్రియ సంపుటం: 07-590
పల్లవి:
మేలు మేలు రాఁగా రాఁగా మేటివైతివి
వాలుఁజూపులఁ జూచితే వచ్చెఁగా పని
చ.1:
చెంతనాతఁడు నీచెలిసేవలకు మెచ్చితేను
యింతమాట యెంతసేసేవిదిగో నీవు
సంతతమునాపె గన సరసములాడితేను
వంతులకు నీచెత వచ్చెఁగా పని
చ.2:
నీవు పిలువనంపిన నెలఁతకు సొమ్ములిచ్చే
యీవిలోనే వావిగట్టేవిదిగో నివు
కావలెననుచు నాపె కాఁగిలించుకొంటే గన
వావాత నీచేతనే వచ్చెఁగా పని
చ.3:
పాదాలొత్తే పడఁతిపై పచ్చడముకొంగువడె
నాదరించి కూడెననేవంతలో నీవు
యీదెస శ్రీ వెంకటేశుఁడెనని నిన్నిఁక నాపె
వాదొద్దని మొక్కించెను వచ్చెఁగా పని
