ఈ పుట అచ్చుదిద్దబడ్డది
రేకు: 0199-4 ఆహిరి సంపుటం: 07-588
పల్లవి:
ఈయెడనేమిసేసినా నేమనే నీచిత్తము
కాయకపుఁ జేఁతలెల్లఁ గప్ప వచ్చేనా
చ.1:
యెగసక్యాలకు నీవు యేమని పొగడినాను
జగడాలకు వచ్చేనా సారె నీతోను
తగవులు దప్పి నీవు తమకించి మొక్కి తేను
తెగడి నిన్నిఁక వేరే తిట్టవచ్చేనా
చ.2:
నాటకాలనూరకే నవ్వులెంత నవ్వినాను
ఆటకానఁ గన్నుల నిన్నదలించేనా
జూటరితనాల నన్ను సుద్దులెన్నియడిగినా
మాటలు వెలుచుకొని మచ్చరించేనా
చ.3:
వేసాలకు నీవెంత వేడుకఁ గాఁగలించినా
ఆసపడి నిన్ను నేను ఆయాలంటేనా
రాసికెక్క శ్రీ వెంకటరమణ నన్నుఁ గూడితి
బాసదప్పెనంటా నిన్నుఁ బచ్చిసేసేనా