ఈ పుట అచ్చుదిద్దబడ్డది
రేకు: 0199-1 సాళంగనాట సంపుటం: 07-585
పల్లవి:
అంకెకు రానిపనులై నపాటి చాలును
మంకులు చెల్లవు నిన్ను మరిగినదానను
చ.1:
పచరించి నీకు విన్నపములు సేసేవారి
వచనాలలోనే కానవచ్చె వలపు
రచనలు నేరుతుము రాజసాలు నేరుతుము
వుచితముగాకుండఁగా వూరకున్నదానను
చ.2:
సగము మొగము వంచి సన్నలు సేసేవారి
నగవందే అంతా వున్నది నిజము
పగటు నెరుఁగుదుము పంతమూనెరుగుదుము
జగడాలు చేరీనంటా సమ్మతించుకొంటిని
చ.3:
ఆయములు చూపి మోపి అప్పణలిచ్చేవారి
కాయకపు మొక్కులకే కలిగె మేలు
యీయెడ శ్రీ వెంకటేశ యిటు నిన్నుఁ గూడితిని
చేయి మీఁదై నవ్వులకు సెలవు పెట్టితిని
