ఈ పుట అచ్చుదిద్దబడ్డది
రేకు: 0198-6 బౌళి సంపుటం: 07-584
పల్లవి:
చేసిన తనచేఁతలు చెప్పరాదు
యీ సటలవానితోడ నేమిసేతునే
చ.1:
వలపు గలవారికి వాసులు పనికిరావు
పిలిచితేఁ బలుకక బిగియరాదు
చలపట్టి వేఁడుకొంటే సమ్మతించకుండరాదు
యెలయించీనిదె తాను యేమిసేతునే
చ.2:
మన్ననగలవారికి మంకులు చూపరాదు
సన్నలేమి సేసినాను సాదించరాదు
కన్నులనే నవ్వినాను కాఁతాళము చూపరాదు
యిన్నేసి ప్రియాలు చెప్పీ నేమిసేతునే
చ.3:
కూటమిగలవారికి కోపగించు కొనరాదు
పాటించి మేలమాడఁగఁ బదరరాదు
గాఁటమై శ్రీ వేంకటఘనుఁడిట్టె నన్నుఁగూడె
యీటువెట్టెఁ దనతోడ నేమిసేతునే
