ఈ పుట అచ్చుదిద్దబడ్డది
రేకు: 0198-4 సామంతం సంపుటం: 07-582
పల్లవి:
కొలమునొకటిగాదు గుణమునొకటిగాదు
శెలిమి శేయవచ్చీని శెనకకుమనవే
చ.1:
యిల్లిదివో మమ్ము సూడు యేనుగవంటి నడపు
సల్లని తేటసూపులే సక్కదనాలు
సెల్లఁబో సూడుమనవే శింయ్యమువంటి నడుము
గొల్లనికి శెంచెతకు కూటము సెల్లునా
చ.2:
నిచ్చలు మాసెంపలపై నెమిలివంటిది కొప్పు
పచ్చులవంటివి మాబలు సన్నులు
కుచ్చుల పారిటాకులు గిరిగింజ సరుములు
అచ్చపుటూరవాఁడు మాయడవినుండీనా
చ.3:
వసుముగాని శిలుకవంటిదివో మామాట
పసని తేనెల మోవి పశిమివొల్లు
యెసగ శ్రీ వెంకటేశుఁడేటవెట్టి నన్నుఁగూడె
రసికుఁడు దాను నేను రాశిపాటదాననే
