ఈ పుట అచ్చుదిద్దబడ్డది
రేకు: 0198-2 వరాళి సంపుటం: 07-580
పల్లవి:
పట్టిన చలములేలే పైపైనాతనితోడ
వొట్టుక పంతమిప్పించె వువిదచేఁ జాలదా
చ.1:
వెంగెము లాడకువే విభుఁడు నీసవతైన
అంగననీడకుఁ దెచ్చె నదిచాలదా
కంగువెట్టుకోకువే కమ్మనిపూవులచెండు
కుంగరాల వేళ్ళచేత నొగ్గింపించెఁ జాలదా
చ.2:
చలము సాదించకువే సవతిని నాయకుఁడు
అలరి నీచేతి కిచ్చె నదిచాలదా
బలిమి సేయకువె ప్రాణేశ్వరుఁడు ఆపెఁ
గొలువులోఁ బెట్టి నినుఁ గొసరించెఁ జాలదా
చ.3:
చేపట్టి బిగియకువే శ్రీ వెంకటేశుఁడు నిన్ను
ఆపెచేతఁ బొగడించె నదిచాలదా
రాఁపులిఁకఁ జేయకువే రతికేలిలోపలను
మోపుగట్టించె వలపు ముదితచేఁ జాలదా
