ఈ పుట అచ్చుదిద్దబడ్డది
రేకు: 0198-1 శంకరాభరణం సంపుటం: 07-579
పల్లవి:
చెప్పఁగనేఁటికి చెలి మనతోడ
కప్పెఁ జింతలవె కానఁగరాదా
చ.1:
తలఁపులోపలి తమకమెల్లాను
సెలవినవ్వులఁ జిందీఁ గదే
కొలఁది మీరిన కోరికలప్పటి
మొలకపులక మొత్తములాయ
చ.2:
వినుకలి తన విరహమెల్లాను
కనుఁగొనలనే కమ్మీఁ గదే
చనవుల తన సరసమప్పటి
ననుపుమాటల నటనలాయ
చ.3:
గక్కనఁ గూడిన కందువలెల్లాను
మిక్కిలి మోవిపై మించెఁ గదే
యెక్కువ శ్రీ వేంకటేశు మేలప్పటి
వొక్కటై పాయని వొద్దికలాయ
