ఈ పుట అచ్చుదిద్దబడ్డది
రేకు: 0196-4 లలిత సంపుటం: 07-570
పల్లవి:
మొగదాకిరివాఁడవు మొదలే నీవు
తెగనాడవేమిటికి దేవరవు నీవు
చ.1:
చెప్పినట్టు సేతునంటే చెలఁగి మందెమేళాన
యెప్పుడైనా విన్నవింతునేమైనను
యిప్పుడిట్టే పదారువేలేకతాలకారు నీకు
వొప్పి యెవ్వరిమాటలు వూకొనేవు నీవు
చ.2:
చేతిలోని వాఁడవంటాఁ జిక్కించుక కాతరాన
యీతల నాతలఁ దీతునేడకైనను
ఆతుమ నీకుఁ బాయరానట్టివారు యెనమండ్రు
యేతుల నెవ్వరిచన వియ్యకొనేవు నీవు
చ.3:
కూడినట్టే కూడేవని గుఱిగా శ్రీ వెంకటేశ
యీడులేక పెనఁగితినిందాఁకాను
వాడికె గొల్లెతలైతే వలసినందరు నీకు
మేడేన నెవ్వరిపాందు మెచ్చేవు నీవు