ఈ పుట అచ్చుదిద్దబడ్డది
రేకు: 0193-5 హిజ్జెజి సంపుటం; 07-553
పల్లవి:
అప్పటినుండియు విభుఁడట్టె తప్పక చూచీ
యిప్పుడిట్టె రాఁగదవె యియ్యకొన్నదానవు
చ.1:
చిత్తము పతికినిచ్చి సిగ్గులువడఁగనేలె
పొత్తుకు రమ్మనీ వలపుల నాతఁడు
కొత్తగా బొందుసేసేవా కొంగువట్టి తీసితేను
వుత్తరువేమి చెప్పవే వూరకున్నదానవు
చ.2:
యింటిలోననే వుండి యింకా మరఁగులేలే
అంటి పానుపుపైకి రమ్మనీ నాతఁడు
జంటలు నేఁడాయనా సత్తువలఁ బెనఁగితే
వొంటి నట్టే వుండఁగదే వొాడఁబడ్డదానవు
చ.3:
కలసి కాఁగిటఁ గూడి కన్నుల జంకెనలేలే
యెలయించీ శ్రీ వేంకటేశుఁడాతఁడు
చలములు యిఁకఁగద్డా చన్నులుగోరనొత్తితే
కొలఁదెరిఁగి నవ్వవే గుట్టుగలదానవు