ఈ పుట అచ్చుదిద్దబడ్డది
రేకు: 0193-4 నాదరామక్రియ సంపుటం: 07-552
చ.1:
ఇంతకంటే నేరము యెపుడు నీవారము
వంతుల మాచన్నులకు వాఁడి వచ్చెనిపుడు
చ.1:
జగడించేవారికెల్లా సారెసారె వెంగెములు
తగులై నవారికైతే తమకములు
మొగమేమి చూచేవు మొరఁగులు మరఁగులు
చిగురుమోవిమాట చేఁగలెక్కెనిపుడు
చ.2:
అలిగినవారికెల్లా అసురులు నుసురులు
కలసినవారికైతే కడుమేలాలు
వలుపేమి లోఁచేవు వలరాజుబాణాలైన
తెలిఁగన్నుల చూపులు తేటలెక్కె నిపుడు
చ.3:
పెనఁగేటి వారికెల్లా పెచ్చురేఁగుఁ జెమటలు
తనిసినవారికైతే దగదొట్టును
మనసేమి దెలిసేవు మచ్చిక శ్రీ వెంకటేశ
యెనసితిమి యాసలు యెదురెక్కెనిపుడు