ఈ పుట అచ్చుదిద్దబడ్డది
రేకు: 0193-3 గౌళ సంపుటం: 07-551
పల్లవి:
మాపుదాఁకా నమర నీ మాయలేలా
వీఁపు గానరాఁగా దాఁగే విధములేలా
చ.1:
వాడుదేరీ మోమని వలసి నేనడిగితే
యేడలేని మాటలేల యెన్నికలేల
నీడకు నిన్నుఁదీసితే నిలువుఁ జెమటలకు
వీడెప్తుఁ జొక్కుమందులు వేమారునేలా
చ.2:
పచ్చిదేరే నీ మేను భావించి నేఁజూచితేను
యిచ్చకాలు సేయనేల యింతలో నీకు
వెచ్చనిమేనిపైఁ జెయివేసి నిన్ను నవ్వితేను
బచ్చెన మాటలేల పరాకులెలా
చ.3:
కన్నెలు నీవద్దివారు ఘనుఁడవు నీవంటే
కన్నుల తేలింపులేల కరఁగులేలా
యిన్నిటా శ్రీవేంకటేశ యెనసి నేమొక్కితేను
వన్నెల నింతేసి పరవశములేలా
