ఈ పుట అచ్చుదిద్దబడ్డది
రెకు: 0109-6 సామంతం సంపుటం: 07-054
పల్లవి:
ఇంతట విచ్చేయవయ్యా యింతి విలిచీనిదివో
ఎంతలేదిదెంచుకొంటే నిద్దరునూనొక్కటే
చ.1:
జవ్వన గర్వముతోడి సతులు దమకోపాన
రవ్వలుగానాడుదురు రమణులను
నవ్వులు సేసుకొనక నాతులతో జగడించి
పువ్వుమొన వాఁడిసేసే పురుషుడూఁ గలఁడా
చ.2:
సరసమాడేటి వేళ సతులట్టే చనవున
సిరులతో వెగ్గళించి చేయి ముంతురు
సరుస గురుతు మా యించకీకెను రట్టు సేసి
బిరుగాలి ముడిగట్టే ప్రియుఁడూఁ గలఁడా
చ.3:
రానీ పోనీ తమకాన రామలు తమచూపుల
సానలఁ బట్టుచుఁ బగ చాటుదురు
దీనికే శ్రీ వేంకటేశ తెఱవం గూడితివిట్టె
మైనము సూలము సేసే మగవాఁడూఁ గలఁడా