ఈ పుట అచ్చుదిద్దబడ్డది
రేకు: 0191-4 మంగళకౌాశిక సంపుటం: 07-540
పల్లవి:
పొంచి నే వారికినెల్లాబుద్ది చెప్పేను
యెంచరానిమాటాడేవారెవ్వరయ్య నిన్నును
చ.1:
చేరి నిన్నునాపెచూచి చిత్తములో గురి దాఁకె
సారెనిఁక మరేల విచారించేవు
చేరువ నేనున్నదాన చేతిలోనిదాననింతే
యీరసానఁ గాదనేవారెవ్వరయ్య నిన్నును
చ.2:
నవ్వేవారెల్లా నవ్విరి ననుపు నీకంతనాయ
నివ్వటిల్ల నీకు వట్టి నేమములేలా
మువ్వంక నీచేఁతలెల్ల మూసి దాఁచేదాననింతే
యివ్వలరట్టు సేసేవారెవ్వరయ్య నిన్నును
చ.3:
వూడిగము నేఁజేసితి వొద్దనున్నఁ గూడితివి
వేడుకతోనిందుకెంత వెరగందేవు
పాడితో శ్రీ వెంకటేశ పట్టపుదేవిని నేను
యీడఁ దప్పునవట్టేటి వారెవ్వరయ్య నిన్నును
