ఈ పుట అచ్చుదిద్దబడ్డది
రేకు: 0190-6 దేసాక్షి సంపుటం: 07-536
పల్లవి:
మామాట విని నీవు మచ్చికలు దైవార
ఆముకొని పతిమేను అంటంగరాదా
చ.1:
మనసు నమ్మినయందు మతకాలెంచఁగనేల
చనవు గలిగినందు జరయనేలా
కినుకలు లేనియందు కేరడము మరియాల
పెనఁగక పతినిట్టే పిలువరాదా
చ.2:
చేతికి లోనైనయందు సిగ్గులువడఁగనేల
బీతి విడిచినయందు బీరములేల
యేతులు నెరపనందు యెగ్గులు దలఁచనేల
జాతి నీనవ్వులు మీఁదఁ జల్లరాదా
చ.3:
కప్పురవీడేలందు కాఁకలు చల్లఁగనేల
చిప్పిలు రతులయందు చింతించనేల
యిప్పుడే శ్రీవెంకటేశుఁడీతఁడిదె నిన్నుఁగూడె
దప్పిదీర మోవియిచ్చి తనివందరాదా